Viečaram 10 śniežnia ciahnik «Štadler» Minsk — Homiel ździejśniŭ niezapłanavany prypynak u Babrujskim rajonie, piša Tut.by.
Fota: pres-słužba Biełaruskaj čyhunki.
Incydent zdaryŭsia prykładna ŭ 20.30. Elektraciahnik spyniŭsia pasiarod pola niedaloka ad vioski Plosy. Ciahnik stajaŭ prykładna hadzinu, u vahonach čas ad času źnikała śviatło, paviedamlajuć čytačy.
— Imavierna, što-to ź siłkavańniem. Stajali abo bieź śviatła, abo na reziervovym. Paniki nie było, tolki časam pa vahonie prabiahaŭ uschvalavany načalnik ciahnika, — raspaviała Tut.by pasažyrka Volha. Jana adznačyła, što zaraz usio dobra i ciahnik ruchajecca dalej.
Heta ŭžo nie pieršaja pałomka «Štadlera». Tak, 16 červienia ciahnik Homiel — Minsk z pasažyrami prastajaŭ bolš za čatyry hadziny.
26 lipienia «Štadler» złamaŭsia ŭ rajonie stancyi Talka i prybyŭ u Homiel sa spaźnieńniem paŭtary hadziny.
