Demakraty ŭ Pałacie pradstaŭnikoŭ Kanhresa ZŠA abviaścili artykuły, pa jakich patrabujuć impičmientu prezidenta ZŠA Donalda Trampa: jaho vinavaciać u złoŭžyvańni ŭładaj i pieraškodzie pracy Kanhresa, piša Reuters.
Pa słovach staršyni jurydyčnaha kamiteta Pałaty pradstaŭnikoŭ Džeralda Nadlera, kiraŭnik ZŠA ličyć, što jon vyšejšy za zakon.
Prychilniki impičmientu amierykanskaha lidara ličać, što jon vykarystaŭ svaju vysokuju pasadu, kab atrymać asabistuju vyhadu na škodu nacyjanalnym intaresam, a mienavita — cisnuŭ na Ukrainu, zatrymlivajučy vajskovuju dapamohu, kab prymusić Uładzimira Zialenskaha pačać rasśledavańnie suprać syna Džo Bajdena, kandydata ŭ prezidenty ad demakrataŭ.
Pieraškodaj pracy Kanhresa jany paličyli toje, jak Tramp nibyta procidziejničaŭ rasśledavańniu hetaj spravy.
Hetyja abvinavačvańni buduć razhledžany jurydyčnym kamitetam na nastupnym tydni. U tym vypadku, kali ich pryznajuć abhruntavanymi, nižniaja pałata amierykanskaha parłamienta budzie hałasavać pa pytańni impičmientu, paśla čaho, u vypadku pryniaćcia, pytańnie pojdzie na razhlad u vierchniuju pałatu parłamienta.
