Pieradača ŭładam Ukrainy kantrolu nad miažoj z Rasijaj na Danbasie moža vyklikać u rehijonie paŭtareńnie trahiedyi ŭ baśnijskaj Srebranicy, dzie padčas vajennych dziejańniaŭ zahinuli tysiačy čałaviek, paviedamlaje TASS.
«Ukrainski bok uvieś čas stavić pytańnie: dajcie nam mahčymaść zakryć miažu vojskami. Nu ja ŭjaŭlaju, što dalej pačniecca. Srebranica budzie, voś i ŭsio. My ž bačyli, jak prezident Zialenski vioŭ dyskusii z nacyjanalistami. Zrazumieła, chto tam macniejšy. I što tam adbudziecca? I chto imi budzie kiravać, hetymi nacyjanalistami, kali jany ŭvojduć na hetyja terytoryi biez zabieśpiačeńnia harantyj ludziam?» — zajaviŭ Pucin 10 śniežnia.
U 1995 hodzie nasieleny musulmanami horad Srebranica byŭ uziaty vojskami baśnijskich sierbaŭ, paśla čaho ŭ rajonie byli rasstralanyja niekalki tysiač čałaviek.
