Vydaviectva Merriam-Webster, jakoje śpiecyjalizujecca na vypusku słoŭnikaŭ anhlijskaj movy ŭ jaje amierykanskaj viersii, nazvała słovam 2019 hoda słova they, heta značyć «jany», piša RBK
«Dziŭny fakt, navat bazavy termin, asabovy zajmieńnik, moža padniacca na viaršyniu našaha rejtynhu», — havorycca ŭ paviedamleńni vydaviectva.
Svoj vybar na Merriam-Webster patłumačyli źjaŭleńniem u they novaha značeńnia, što pryviało da taho, što kolkaść zapytaŭ u 2019 hodzie vyrasła bolš čym u čatyry razy. Kali pieršapačatkova słova they vykarystoŭvałasia dla abaznačeńnia hrupy ludziej, to zaraz im usio čaściej nazyvajuć asobna ŭziataha čałavieka, jaki nie identyfikuje siabie tolki jak mužčynu, albo žančynu.
U Merriam-Webster adznačajuć, što słova they ŭsio čaściej pakazvajecca pry apisańni ludziej u sacyjalnych sietkach, prafajł i podpisach elektronnych paviedamleńniaŭ, a taksama hazietnych tekstach i paŭsiadzionnych znosinach. Raniej Amierykanskaja psichałahičnaja asacyjacyja rekamiendavała vykarystoŭvać they zamiest she abo he (jana ci jon) u prafiesijnaj pierapiscy, kali havorka idzie pra čałavieka, čyj poł nieviadomy, abo kimści, chto addaje pieravahu apisvać siabie jak «jany».
