Biełaruś i Rasija padpisali indykatyŭny bałans pastavak nafty na 2020 hod. Pra heta zajaviŭ žurnalistam vice-premjer Dźmitryj Kozak, piša tass.ru.
«Padpisany Minenierha», — skazaŭ jon. Pry hetym Kozak admoŭna adkazaŭ na pytańnie, ci jość u bałansie «pieramytnioŭka».
Kali abjomy pastavak nafty zastanucca raniejšymi, ad «pieramytnioŭki» biudžet Biełarusi nie atrymaje ŭ 2020 h Br950,9 młn ($ 423,6 młn).
Pahadnieńnie ab «pieramytnioŭcy» pamiž uradami Biełarusi i Rasii dziejničała z krasavika 2017. Aficyjna jano nazyvałasia «pahadnieńnie ab supracoŭnictvie ŭ naftahazavaj śfiery». Heta miechanizm subsidzyjavańnia fiksavanych cenaŭ na haz dla Biełarusi praź pieraličeńnie ŭ biełaruski biudžet sumy ekspartnych mytaŭ na naftu z abjomu 6 młn ton.
Bałansavy abjom pastavak nafty ŭ Biełaruś uzhadniaŭsia na ŭzroŭni 24 młn ton, ale faktyčnaja pastaŭka składała 18 młn ton. Astatni abjom uzhodnienaha abjomu pastavak nafty «pieramytniaŭsia».
Pahadnieńnie dziejničała pa 2019 hod uklučna. Na 2020 damovicca nie ŭdałosia.
