Na architekturna-horadabudaŭničaj radzie ŭ Minharvykankamie ŭchvalili papiaredniaje prajektnaje rašeńnie pa handlova-zabaŭlalnym kompleksie na miescy byłoha Červieńskaha rynku ŭ stalicy, piša tut.by.
U 2019 hodzie asnoŭnym uładalnikam kampanii-zabudoŭščyka terytoryi byłoha Červieńskaha — TAA «Silvier Kapitał» — stała struktura hrupy kampanij RAPA, jakaja kiruje hipiermarkietami Green. Dyrektaram «Silvier Kapitału» staŭ suzasnavalnik RAPA Anatol Kim.
Pry aptymistyčnym raskładzie ŭ śniežni prajekt HZC pastupić u ekśpiertyzu, a pakul papiaredniaje prajektnaje rašeńnie było razhledžana na architekturna-horadabudaŭničaj radzie. Voś jak jano vyhladaje:
Fota: Stanisłaŭ Šaršukoŭ, TUT.BY.
Prajekt praduhledžvaje budaŭnictva HZC z parkinham ahulnaj płoščaj kala 60 tysiač kvadratnych mietraŭ.
Fota: Stanisłaŭ Šaršukoŭ, TUT.BY.
U cokalnym paviersie HZC budzie hipiermarkiet (miarkujučy pa ŭsim Green), na pieršym paviersie — handal, na druhim i trecim — spartyŭna-azdaraŭlenčyja i zabaŭlalnyja ŭstanovy. Handlovaja płošča — 19,5 tysiačy kvadratnych mietraŭ, parkinh — 15,5 tysiačy, zabaŭlalnyja ŭstanovy — 7 tysiač, spartyŭna-azdaraŭlenčyja — 6 tysiač.
Fota: Stanisłaŭ Šaršukoŭ, TUT.BY.
Hłuchija fasady buduć stylizavanyja z užyvańniem haryzantalnych hnutych pierfaravanych łamielaŭ, a ŭ centralnaj častcy budzie stvorany partał z architekturnaha škła roznaj stupieni matavańnia.
Fota: Stanisłaŭ Šaršukoŭ, TUT.BY.
Členy horadabudaŭničaj rady ŭchvalili prapanavanuju vizualizacyju. Pry hetym jany skazali dapracavać niekatoryja momanty.
Pa-pieršaje, prapracavać pytańnie ŭładkavańnia paradnaj prastory hałoŭnaha ŭvachodu za košt dobraŭparadkavańnia prylehłaj terytoryi. Pa-druhoje, vyklučyć padśviatleńnie fasada budynka z boku žyłoha doma. Pa-treciaje, dapracavać architekturnaje rašeńnie fasada z ulikam farmiravańnia transpartnaha vuzła ŭ centry horada.
Pry dobrym raskładzie viasnoj zabudoŭščyk vyjdzie na placoŭku. Dla budaŭnictva takoha abjekta treba jašče dva-try hady.
Pabudavać na miescy Červieńskaha rynku na Majakoŭskaha šmatfunkcyjanalny kompleks pieršapačatkova źbirałasia iranskaja kampanija «Dzidas». Pradprymalnikaŭ ź placoŭki vysielili ŭ 2013 hodzie, ale navat praź niekalki hadoŭ inviestar nie prystupiŭ da budaŭnictva. Tamu horad zabraŭ u irancaŭ hety ŭčastak i vystaviŭ na tarhi.
Na aŭkcyjonie ŭ 2016 hodzie prava zabudavać ziamlu vyjhrała kampanija «Silvier Kapitał», dyrektaram i suzasnavalnikam jakoj źjaŭlaŭsia suzasnavalnik Galleria Minsk Mahamied Mahamiedaŭ. Inviestar vyrašyŭ stvaryć tut handlovy centr, ale padčas prajektavańnia abjekta jon sutyknuŭsia z šeraham prablem, adnak u pačatku 2019 hoda likvidavaŭ ich. Paśla hetaha asnoŭnaja dola ŭ kampanii była pradadzienaja struktury hrupy kampanij RAPA.
