Z aptek Biełarusi adklikany preparaty, što ŭtrymlivajuć ranitydzin i vykarystoŭvajucca pry lačeńni jazvy straŭnika. Pra heta paviedamlaje tut.by sa spasyłkaj na Respublikanski centr ekśpiertyz i vyprabavańniaŭ u achovie zdaroŭja.
Akazałasia, što Jeŭrapiejskaje miedycynskaje ahienctva i Upraŭleńnie pa kantroli praduktaŭ charčavańnia i lekavych srodkaŭ ZŠA (FDA) raniej inicyjavali acenku preparataŭ, jakija ŭtrymlivajuć rečyva ranitydzin.
Ich cikaviła, ci jość tam kancerahiennyja prymieški — pakolki ŭ nievialikich kolkaściach tam užo vyjavili N-nitrazadymietyłamin. Heta złučeńnie (pa-inšamu NDMA) paśla daśledavańni na žyviołach kłasifikujecca jak «złučeńnie ź vierahodnymi kancerahiennymi ŭłaścivaściami». Prymieška sustrakajecca ŭ niekatorych praduktach i ŭ vadzie, choć — pa najaŭnych dadzienych, — nie pryčyniaje škody ŭ nievialikich kolkaściach.
U cełym, ranitydzin zdymaje sakrecyju salanaj kisłaty i ŭžyvajecca dla lačeńnia i prafiłaktyki jazvavaj chvaroby straŭnika, dvanaccacipiersnaj kiški, refluks-ezafahita i hetak dalej.
Ciapier inicyjavany dobraachvotnaje previentyŭnaje adklikańnie ź biełaruskaha rynku takich preparataŭ ad dvuch vytvorcaŭ - Kurhanskaha tavarystva miedpreparataŭ i vyrabaŭ «Sintez» (Rasija) i Pharmaceutical Works POLPHARMA S.A. (Polšča). Havorka idzie pra tabletkach Ranitydzin-Akos i Ranihast.
«Z pryčyny adsutnaści siońnia na terytoryi Biełarusi inšych pastaŭščykoŭ lekavych srodkaŭ z utrymańniem ranitydzinu ŭ tableciravanaj formie, časova rekamiendujecca pry novych pryznačeńniach ranitydzinu vykarystoŭvać alternatyŭnuju terapiju - famatydzin abo preparaty hrupy inhibitaraŭ pratonnaj pompy», - udakładnili ŭ Centry ekśpiertyz.
Dla pryznačeńnia alternatyŭnaj terapii pacyjentam treba źviarnucca da doktara.