U Naŭharodskaj i Leninhradskaj abłaściach Rasii z dokazami złačynstva zatrymali členaŭ hrupy, jakaja maje dačynieńnie da kantrabandnych pastavak zbroi, bojeprypasaŭ i narkotykaŭ z-za miažy, piša rbc.ru sa spasyłkaj na FSB RF. U apieracyi pa spynieńni dziejnaści złačynnaj hrupy brali ŭdzieł supracoŭniki FSB Rasii i Kamiteta dziaržbiaśpieki Biełarusi.
Arhanizatara i šaściarych členaŭ złačynnaj hrupy zatrymali na miescy złačynstva, pry prodažy partyi zbroi i narkotykaŭ. Byli kanfiskavanyja kulamiot Dziehciarova, pistalet-kulamiot Špahina, pistalety TT, PM i Browning, prykładna 60 tys. patronaŭ roznaha kalibru, amfietamin i kakain, a taksama 560 tys. rub. i $ 17,6 tys.
Śpiecsłužby vyśviatlajuć mahčymych saŭdzielnikaŭ i kanały pastupleńnia zbroi i narkotykaŭ.
