Advakaty «Ukrainskaha Chielsinskaha sajuza pa pravach čałavieka» i prakurory Hienprakuratury dasłali ŭ Ofis prakurora Mižnarodnaha kryminalnaha suda paviedamleńnie pra zabojstva padkantrolnymi RF uzbrojenymi farmiravańniami ŭkrainskich vajennapałonnych na Danbasie, piša pravda.com.ua.
Havorka idzie pra fakty pazasudovych pakarańniaŭ śmierciu 9 vajennasłužačych Uzbrojenych Sił Ukrainy pradstaŭnikami prarasijskaj arhanizavanaj hrupy «Kazačy sajuz «Vobłaść vojska Danskoha» padčas bajoŭ za Iłavajsk u 2014 hodzie i Debalcava ŭ 2015 hodzie.
Ukraina dała fota- i videadokazy, jakija śviedčać pra fakt zachopu ŭkrainskich vajskoŭcaŭ u pałon, śviedčańni vidavočcaŭ zabojstvaŭ pałonnych, dakumienty, jakija paćviardžajuć śmierć vajskoŭcaŭ u pałonie.
U paviedamleńni aśvietlenaja i praktyka viadzieńnia bajavych dziejańniaŭ «čužymi rukami», heta značyć pryciahnieńnie Rasijskaj Fiederacyjaj u kanflikt padkantrolnych joj niezakonnych uzbrojenych farmiravańniaŭ.
Ofis prakurora prainfarmavali, što zhadanyja niezakonnyja ŭzbrojenyja farmavańni mahčyma vykarystoŭvajucca Rasijaj nie tolki dla dasiahnieńnia vajennaj pieravahi, ale i dla ažyćciaŭleńnia surjoznych parušeńniaŭ mižnarodnaha humanitarnaha prava.
