Złučanyja Štaty ŭviali sankcyi suprać rasiejcaŭ Maksima Jakubca i Ihara Turašava, jakich ułady krainy abvinavačvajuć u machlarstvie z prahramnym zabieśpiačeńniem dla kampjutaraŭ, a taksama jašče 15 fizičnych i 7 jurydyčnych asob, źviazanych, na dumku Vašynhtona, z chakierskaj hrupaj Evil Corp. Ab hetym paviedamlajecca ŭ čaćvier na sajcie Ministerstva finansaŭ ZŠA, piša tass.ru.
Zhodna z dakumientam, sankcyi ŭvodziacca za škodnasnuju dziejnaść u kibierśfiery.
Minfin ZŠA taksama paviedamiŭ, što dziejnaść Evil Corp naniesła škodu ŭ pamiery $ 100 młn.
U svaju čarhu Miniust ZŠA śćviardžaje, što rasijski chakier Maksim Jakubiec sprabavaŭ skraści $ 220 młn z bankaŭskich rachunkaŭ. U zajavie adznačajecca, što rassyłańnie škodnasnaha PZ «pryviało da sproby kradziažu prykładna $ 220 młn, pry hetym realnaja škoda bankaŭskim rachunkam jaho achviar skłała prykładna $ 70 młn». Pa viersii viedamstva, Jakubiec dziejničaŭ u ramkach ašukanskaj schiemy razam ź inšymi chakierami.
Dziarždepartament ZŠA abjaviŭ ŭznaharodu ŭ pamiery piaci miljonaŭ dalaraŭ za infarmacyju, jakaja paspryjaje zatrymańniu Maksima Jakubca.
Pavodle źviestak Minfina ZŠA, Jakubiec pracavaŭ na FSB Rasii ŭ 2017 hodzie, piša interfax.ru. U krasaviku 2018 hoda, adznačajecca ŭ zajavie viedamstva, jon sprabavaŭ atrymać licenziju na pracu z zasakrečanaj infarmacyjaj FSB.
