U bardeli, jaki dziejničaŭ u pryvatnym domie ŭ centry Ryhi, pieravažna pracavali hramadzianki Biełarusi, Ukrainy i Rasii. Pra heta paviedamlaje Delfi. Pry hetym viadoma, što na terytoryju Łatvii jany zajechali i pražyvali lehalna.
Na momant palicejskaj apieracyi ŭ padpolnym bardeli znachodzilisia čatyry prastytutki, jakija akazvali klijentam pasłuhi intymnaha charaktaru. Jak adznačyli ŭ palicyi, suprać žančyn nijakich sankcyj prymianiać nie buduć. Vierahodna, jany buduć prachodzić pa spravie jak paciarpiełyja.
Infarmacyja pra toje, što ŭ Ryzie dziejničaje publičny dom, była atrymana na pačatku listapada. Dadzienyja śviedčyli pra toje, što ŭ pryvatnym domie pražyvajuć hramadzianki inšych dziaržaŭ, jakija tam ža akazvajuć płatnyja pasłuhi intymnaha charaktaru. Taksama byli atrymany dadzienyja ab tym, što da spravy datyčnaja hrupa sutenioraŭ.
Padčas pravierki infarmacyi 23 listapada palicyja zatrymała raniej nie sudzimych 29-hadovych mužčyn, jakija padazrajucca ŭ suteniorstvie. Ustanoŭlena, što adzin ź ich byŭ sutenioram i davaŭ zadańni dziaŭčatam, a druhi byŭ jaho pamočnikam. Treciaha padazravanaha — 49-hadovaha ŭłaśnika doma — zatrymali 26 listapada.
Viadoma, što bardel pracavaŭ u centry Ryhi z pačatku 2019 hoda. Dziaŭčat ź inšych krain vierbavali dla zaniatku prastytucyjaj praź internet. Inšaziemki časta mianialisia, žyli ŭ domie i pracavali pa niekalki tydniaŭ. Śledstva pa spravie praciahvajecca.
