Zbor nie treba płacić z 1 śniežnia, paviedamlaje BIEŁTA.
Raniej kamisija pry nabyćci elektronnych biletaŭ na pajezdki pa krainie składała 24 kapiejki, na mižnarodnyja — 78 kapiejek. Ciapier elektronny kvitok z elektronnaj rehistracyjaj budzie abychodzicca pasažyram tańniej, čym pry afarmleńni ŭ biletnaj kasie.
U vypadku afarmleńnia bileta biez elektronnaj rehistracyi ci admovy ad jaje i zvarocie ŭ biletnuju kasu dla afarmleńnia kvitka na błanku z pasažyra budzie bracca taryf, ustanoŭleny Ministerstvam antymanapolnaha rehulavańnia i handlu.
Za 11 miesiacaŭ 2019 hoda na aficyjnym sajcie BČ było aformlena 2,7 młn kvitkoŭ. Čakajecca, što da kanca hoda ličba vyraście da 3 młn.
Pradstaŭniki BČ prahnazujuć, što kolkaść aformlenych praź internet kvitkoŭ budzie raści i dalej, pakolki zapracuje i mabilnaje prykładańnie «BČ. Moj ciahnik», i abnoŭleny raździeł «Pasłuhi pasažyram» na sajcie BČ.