Bresckaje «Dynama» stała novym čempijonam Biełarusi, zaviaršyŭšy hiehiemoniju BATE, što ciahnułasia z 2006 hoda i mocna ŭsim nadakučyła. Tytuł bieraściejcam pryniesła chatniaja pieramoha nad «Viciebskam», i «dynamaŭskaje» derbi ŭ apošnim tury ciapier maje status vystavačnaj hulni.
Fota: «Dynama-Brest».
U biełaruskim kłasika BATE razhramiŭ minskaje «Dynama», ale hetaha nie chapiła dla taho, kab nablizicca da Bresta. U paralelnych matčach «Šachcior» prajhraŭ «Minsku», «Isłač» — «Słavii», a «Tarpieda-BiełAZ» — «Dniapro», što kančatkova vyznačyła jak pieršuju čaćviorku ŭ tablicy, tak i druhoha niaŭdačnika čempijanatu.
«Homielu» treba było pieramahać u Haradziei, što i adbyłosia. Ale «Dniapro» zmoh taksama pieramahčy, tamu ŭ pieršuju lihu adpraŭlajucca hamielčuki.
Chto adpravicca ŭ «styki»?
Jak było zhadana vyšej, patrapić u «stykavyja» matčy mohuć ažno čatyry kamandy: «Viciebsk», «Słuck», «Dniapro» i «Enierhietyk-BDU», pryčym mahiloŭcy i minčuki buduć hulać pamiž saboj u Minsku.
Na hety momant u tablicy situacyja nastupnaja:
«Słuck» moža patrapić u «styki» u nastupnym vypadku: kamanda prajhraje «Niomanu», «Viciebsk» nabiraje bały sa «Słavijaj», a «Enierhietyk-BDU» i «Dniapro» hulajuć uničyju. Tady ŭ słuččakoŭ, minčukoŭ i mahiloŭcaŭ budzie pa 31 bale, a roźnica miačoŭ u hetaj trojcy budzie najhoršaj u «Słucka» (kolkaść bałaŭ u vočnych matčaŭ troch kamand budzie adnolkavaj).
«Viciebsk» trapić u «styki» u nastupnym vypadku: kamanda prajhraje «Słavii», «Słuck» prajhraje «Niomanu», a minčuki z mahiloŭcami hulajuć uničyju. Tady va ŭsich čatyroch kamand budzie adnolkavaja kolkaść bałaŭ i buduć ličycca matčy ŭnutry hetaj čaćviorki. A tam u «Viciebska» najhoršaja statystyka.
Pry roŭnaj kolkaści bałaŭ u «Viciebska», «Enierhietyka-BDU» i «Dniapro», čatyrnaccatymi akažucca mahiloŭcy. Toje ž adbudziecca, kali viciebčuki i słuččaki nabiaruć bały, a na Siamaški budzie zafiksavana ničyja, bo ŭ pieršym kruzie pieramoha była za «Enierhietykam».
Składana, ale vysnova takaja, što najbolšaja imaviernaść trapić u «styki» zastajecca ŭ «Dniapro», i im treba raźličvać tolki na pieramohu.
Ciapier pra matčy bolš padrabiazna. Usie jany pačnucca 1 śniežnia a 14-j hadzinie.
«Tarpieda-BiełAZ» — BATE
- Žodzina, stadyjon «Tarpieda».
- Kaeficyjenty: «Dniapro» (pieramoha) — 3.15; ničyja — 3.44; «Tarpieda» (pieramoha) — 2.17.
- Matč pieršaha kruha — 1:4
Jak u Žodzinie novy hod sustreli, zvolniŭšy Aleha Kubarava, tak jaho i praviali. Niestabilnaść pad kiraŭnictvam Vadzima Skrypčanki praciahnułasia jašče bolšaj na čale ź Juryjem Puntusam. «Tarpieda» nie zmahło skarystacca stratami minskaha «Dynama» z «Isłačču» i zastajecca na šostym radku, majučy ŭsiaho adzin bał pieravahi nad «Haradziejaj».
Z BATE ŭsio zrazumieła. Mierkavana, heta budzie apošni matč Alaksieja Bahi ŭ jakaści treniera barysaŭcaŭ, tamu kamanda budzie matyvavanaj nakolki heta mahčyma.
Prahnoz «NN»: pieramoha BATE.
«Šachcior» — «Haradzieja»
Paśla pieršaha tajma hulni «Haradzieja» - «Homiel», jaki skončyŭsia ź likam 0:3, na trybunach stadyjona zastalisia tolki samyja addanyja zaŭziatary «cukrovych». Niahledziačy na toje, što kamanda pravodzić svoj samy paśpiachovy siezon u vyšejšaj lizie, patrabavańni da jaje zastajucca vielmi vysokimi.
«Šachcior» zavajoŭvaje čarhovy niezałaty miedal čempijanatu i budzie rychtavacca da zimovaj śpiački.
Prahnoz «NN»: totał, mienšy za 2.5.
«Dynama-Minsk» — «Dynama-Brest»
- Minsk, stadyjon «Dynama».
- Kaeficyjenty: «Dynama-Minsk» (pieramoha) — 2.44; ničyja — 3.44; «Dynama-Brest» (pieramoha) — 2.77.
- Matč pieršaha kruha — 2:1
Kali ŭsie minułyja hady minskaje «Dynama» było bolš paśpiachovym za bresckaje, to sioleta ŭsio pieraviarnułasia dahary nahami. Chacia minčuki zastalisia adzinymi, chto zmoh pieramahčy Brest u čempijanacie.
Prahnoz «NN»: ničyja.
«Isłač» — «Minsk»
Na hetym tydni ŭ abaroncy «Isłačy» Siarhieja Kancavoha ad lejkiemii pamierła maleńkaja dačka. U suviazi z hetym matčy 30 tura buduć pačynacca z chviliny maŭčańnia.
Kamanda Vitala Žukoŭskaha nie zmoža ŭziać płanku ŭ 50 bałaŭ, ale ŭ lubym vypadku heta najlepšy siezon u historyi «vaŭkoŭ» — paŭfinał kubka i, imavierna, piaty radok tablicy.
Prahnoz «NN»: pieramoha «Isłačy».
«Viciebsk» — «Słavija»
Letaś «Viciebsk» da apošniaha zmahaŭsia za miedali. Sioleta moža navat vylecieć pry niekatorych raskładach. Chacia imaviernaść takoha vyniku minimalnaja, ale jana jość, i ŭ mižsiezońni kiraŭnictvu viciebčukoŭ treba budzie pravieści surjoznuju pracu, kab takoha bolš nie adbyłosia.
Prahnoz «NN»: «Viciebsk» nie prajhraje i nie vylecić u «styki».
«Słuck» — «Nioman»
U «Słucku» nastolki ŭpeŭnienyja ŭ tym, što kamanda nie moža vylecieć, što tydzień tamu ŭ sparynhu sa «Smalenskam» (słuččaki tur prapuskali) trenierski štab prahladać cełuju hrupu hulcoŭ. «Cukrovyja» užo pačynajuć čarhovuju tradycyjnuju dla mižsiezońnia pierabudovu. Chacia bolš łahična było b pačać pieramieny z trenierskaha štaba.
Prahnoz «NN»: ničyja (chutčej za ŭsio 0:0) i «Słuck» nie vylecić u «styki».
«Enierhietyk-BDU» — «Dniapro»
Hod tamu «Pramień» u apošnim tury vyratavaŭsia ad vyletu, praz hod toj ža samy los napatkaŭ i «Dniapro».
Niahledziačy na niebłahuju kancoŭku siezonu ŭ mahiloŭcaŭ, treba adznačyć i «Enierhietyk» — u apošnich siami turach čatyry pieramohi i ŭsiaho adna paraza.
Prahnoz «NN»: vyznačyć pieramožcu maksimalna składana, ale dumajem, što na baku «Enierhietyka» budzie i chatniaja sintetyka, na jakoj budzie maksimalna składana hulać u pieršy zimovy dzień. Prahnoz — «Enierhietyk» nie prajhraje.
U suviazi sa źniaćciem z čempijanatu minskaha «Tarpieda» va ŭsich astatnich matčach «aŭtazavodcam» budzie prysudžana techničnaja paraza 0:3. Hetym razam pieramohu atrymaje «Homiel», ale im užo ničoha nie dapamoža.
TURNIRNAJA TABLICA
Dzialiciesia prahnozami ŭ kamientarach, i schadzicie ŭ apošni raz na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
