Prezident Surynama Dezi Butersie byŭ prysudžany da 20 hadoŭ turemnaha źniavoleńnia za pakarańnie śmierciu 15 palityčnych praciŭnikaŭ, paviedamlaje Al Jazeera.
Butersie kiravaŭ paŭdniovaamierykanskaj krainaj u 1980-ch hadach u jakaści kiraŭnika vajennaha ŭrada, zatym u 2010 hodzie staŭ prezidentam i byŭ pieraabrany ŭ 2015.
Sud pastanaviŭ, što sałdaty pad jaho kamandavańniem vykrali 16 apazicyjanieraŭ (u tym liku advakataŭ, žurnalistaŭ i vykładčykaŭ univiersitetaŭ) sa svaich damoŭ i zabili 15 ź ich u 1982 hodzie.
74-hadovy Butersie ciapier znachodzicca z aficyjnym vizitam u Kitai i nie daŭ nijakich kamientaroŭ.
Nieŭzabavie paśla taho, jak sud vynies rašeńnie, urad paprasiŭ bolš za paŭmiljona žycharoŭ Surynama zachoŭvać spakoj.
«Demakratyja pa-raniejšamu maje pieršaradnaje značeńnie», — havorycca ŭ zajavie aficyjnych asob.
