Pa dapamohu da pravaachoŭnikaŭ źviarnuŭsia pradstaŭnik pryvatnaha ŭnitarnaha pradpryjemstva. Jon raspavioŭ, što ŭ adnoj z kaviarniaŭ horada nočču była adcisnuta šyba, niechta skraŭ plaški kańjaku, harełki, šampanskaha i cyharety na ahulnuju sumu 540 rubloŭ.
Akazałasia, u kafe nočču prakraŭsia 34-hadovy biespracoŭny, raniej sudzimy za šmatlikija kradziažu mahiloviec. Akramia taho, jon stajaŭ na ŭliku ŭ kryminalna-vykanaŭčaj inśpiekcyi.
U rodny horad mužčyna viarnuŭsia paśla praciahłaj adsutnaści. Vyrašyŭ pazabaŭlacca. Paznajomiŭsia ŭviečary ź niekalkimi mahiloŭkami, hulaŭ ź imi pa nabiarežnaj, častavaŭ śpirtnym u kafe. Paśla taho, jak pravodziŭ dam da prypynku, viarnuŭsia ŭ heta kafe i skraŭ ź jaho ałkahol.
Materyjał pieradadzieny ŭ SK dla pryniaćcia rašeńnia ab zaviadzieńni kryminalnaj spravy pa č. 2 art. 205 — kradziež, učynieny paŭtorna. Mužčynu pahražajuć papraŭčyja raboty na termin da dvuch hadoŭ, abo aryšt, abo pazbaŭleńnie albo abmiežavańnie voli na termin da čatyroch hadoŭ.