Žančyna vyjšła na piensiju ŭ 1995 hodzie pa vysłuzie hadoŭ. U toj momant jana žyła ŭ Słonimie, dzie i pačała atrymlivać piensiju. U 1999 hodzie piensijanierka pierajechała ŭ Viciebsk i jašče raz źviarnułasia z zajavaj na vypłatu piensii, adznačyŭšy, što nie atrymlivaje inšych vypłat. Źviestki nichto nie pravieryŭ i žančynie pačali naličvać jašče adnu piensiju. Tak, na praciahu 20 hadoŭ piensijanierka atrymlivała dźvie piensii, pakul pra heta nie daviedalisia supracoŭniki ABEZ Pieršamajskaha RAUS, paviedamlajuć Narodnyja naviny Viciebska.
76-hadovaj piensijaniercy pierapłacili 32 000 rubloŭ i jaje abvinavacili pa častcy 4 i častki 2 artykuła 209 KK Biełarusi — machlarstva, ździejśnienaje ŭ asabliva bujnym pamiery i machlarstva, ździejśnienaje paŭtorna. Joj moža pahražać da 10 hadoŭ turmy.
Sud nad žycharkaj Viciebska pačaŭsia 26 listapada.
