Kiraŭnik Karelickaha rajona Viktar Šajbak pakinuŭ svaju pasadu. Infarmacyju Tut.by paćvierdzili ŭ Karelickim rajvykankamie.
Fota: grodnonews.by.
— Viktar Leanidavič vyzvaleny ad zajmajemaj pasady pa ŭłasnym žadańni, — paviedamili ŭ rajvykankamie.
Infarmacyju pra kiraŭnika rajona vydalili z aficyjnaha sajta miascovaj ułady.
Pryčyna, pa jakoj zvolniŭsia Viktar Šajbak, nieviadomaja. Adnak niekalki dzion tamu miascovy resurs s13.ru paviedamlaŭ sa spasyłkaj na krynicy ŭ Hrodzienskim abłvykankamie i Karelickim rajvykankamie, što kiraŭnik ilnianoj stalicy rehijonu papaŭsia za rulom napadpitku. Ci źviazana zvalnieńnie z hetaj situacyjaj — nieviadoma.
I ŭ DAI rehijonu, i ŭ MUS TUT.BY hetuju infarmacyju nie paćvierdzili i nie abvierhli, spasłaŭšysia na toje, što infarmacyi ab usich zatrymanych pjanymi za rulom kiroŭcach u ich, maŭlaŭ, niama.
Viktar Šajbak uznačalvaŭ Karelicki rajon z 2007 hoda. Da hetaha jon pracavaŭ pieršym namieśnikam staršyni miascovaha rajvykankama. Byŭ taksama dyrektaram AAT «Karelickaja sielhastechnika», pracavaŭ na roznych pasadach miascovaha kałhasa «Majak».