Dyrk Šubiel. Fota BiełTA.
Pahadnieńnie ab spraščeńni vizavaha režymu pamiž Biełaruśsiu i Jeŭrasajuzam i pahadnieńnie ab readmisii moža być padpisana da kanca 2019 hoda, paviedamiŭ žurnalistam kiraŭnik pradstaŭnictva Jeŭrapiejskaha sajuza ŭ Biełarusi Dyrk Šubiel, piša BiełTA.
Pa słovach Dyrka Šubiela, rašeńnie ab padpisańni pahadnieńnia ab spraščeńni vizavaha režymu Rada ES uchvaliła. «Ciapier intensiŭna pracujem nad pahadnieńniem ab readmisii. Kankretnuju datu padpisańnia hetych dakumientaŭ nazvać nie mahu. Spadziajusia, heta adbudziecca jašče sioleta», — skazaŭ dypłamat.
Jon dadaŭ, što z 1 śniežnia ŭ pradstaŭnictvie ES u Biełarusi pačnie pracavać novaja kamanda. Na 2020 hod biudžet dla realizacyi inicyjatyŭ i prajektaŭ u Biełarusi składzie kala 31 młn jeŭra.
