IOC
Mižnarodny alimpijski kamitet (MAK) padtrymaŭ «samyja žorstkija sankcyi» ŭ dačynieńni da tych, chto, jak miarkujecca, manipulavaŭ z bazaj źviestak Maskoŭskaj antydopinhavaj łabaratoryi.
MAK asudziŭ tych, chto zajmaŭsia «aburalnymi manipulacyjami» z dadzienymi ab dopinh-probach, uziatych u rasijskich spartsmienaŭ u 2012-2015 hadach.
U arhanizacyi adznačyli, što spravazdačy udzielnikaŭ rasśledavańnia dakazvajuć, što za manipulacyi adkaznyja ŭłady Rasii. MAK zaklikaŭ rasijskija ŭłady pradastavić sapraŭdnyja dadzienyja Maskoŭskaj antydopinhavaj łabaratoryi.
25 listapada stała viadoma, što kamitet pa adpaviednaści Suśvietnaha antydopinhavaha ahienctva rekamiendavaŭ vykankamu arhanizacyi adchilić Rasiju ad mižnarodnych spabornictvaŭ na čatyry hady. Zabaronu, u pryvatnaści, prapanujecca raspaŭsiudzić na Alimpijskija hulni i čempijanat śvietu pa futbole.
Vykankam VADA razhledzić rekamiendacyi 9 śniežnia.
