U Biełarusi ŭstanoviać patrabavańni da kvater sa svabodnaj płaniroŭkaj, paviedamiŭ dyrektar RUP «Budtechnorm» Ihar Lišaj, piša BiełTA.
Pavodle jaho słoŭ, ciapier hetaje pytańnie nie ŭrehulavanaje. Čaściakom ułaśniki kvater pry ramoncie pamiaškańniaŭ ustaloŭvajuć pieraharodki biez uliku ich upłyvu na kanstrukcyi doma, padmurak, plity pierakryćciaŭ. «My viartajem minimalnyja patrabavańni», — adznačyŭ jon.
U pryvatnaści, budzie abmiežavanaja płošča kvater-studyj (nie bolš za 50 kv.m). Vyznačany minimum rabot, jakija pravodziacca: majstravańnie stajaka kanalizacyi, abstalavańnie santechnikaj vannaj i tualeta, razvodka pravodki (biez padłučeńnia kankretnych pryboraŭ).
Pa słovach Ihara Lišaja, ciapier na rynku pradstaŭleny ŭ tym liku kvatery sa svabodnaj płaniroŭkaj płoščaj 100-180 kv.m, dzie padviedziena tolki elektryčnaść da ŭvachodnych dźviarej. Paśla zdačy doma ŭ ekspłuatacyju žychary pierabudoŭvajuć prastoru, u tym liku biez dapamohi śpiecyjalistaŭ: štrabiać ścieny, zavoziać tony piasku i inšych budaŭničych materyjałaŭ, tym samym stvarajučy nahruzku na plity pierakryćciaŭ. «Usio ž my ŭ hetaj demakratyi zajšli zanadta daloka», — ličyć dyrektar RUP «Budtechnorm».
