Respublikanskaja partyja vystupiła z zajavaj nakont parłamienckich vybaraŭ, jaki prajšli ŭ Biełarusi 17 listapada.
Andrej Bažko. Fota z facebook.com.
«Vybarčaja kampanija prajšła spakojna, arhanizavana, adkryta, hałosna i na kankurentnaj asnovie, u adpaviednaści z nacyjanalnym zakanadaŭstvam i mižnarodnymi abaviazacielstvami Respubliki Biełaruś, što paćviardžajecca reakcyjaj mižnarodnych naziralnikaŭ», — havorycca ŭ zajavie.
«Pieraškod pry dziejnaści naziralnikaŭ, vyłučeńnia pradstaŭnikoŭ u kamisii, realizacyi pravoŭ kandydataŭ u deputaty na ŭsich etapach vybarčaj kampanii nie vyjaŭlena», — ličyć Respublikanskaja partyja.
Hałoŭnym dasiahnieńniem vybarčaj kampanii «respublikancy» ličać pavyšeńnie paznavalnaści partyi. «Respublikanskaja partyja atrymała padtrymku ad hramadzian i vybarščykaŭ», — havorycca ŭ zajavie.
Cikava, što ŭ kamientarach partyja praciahvaje nazyvać siabie «apazicyjnaj».
Adnamu ź lidaraŭ Respublikanskaj partyi Andreju Bažko, jaki bałatavaŭsia ŭ Minsku pa Uschodniaj akruzie №107, u vynikovych ličbach napisali 1,07%, albo 433 hałasy.