— Zaraz nazirajecca istotny rost biełaruskaha pradprymalnictva z punktu hledžańnia nie tolki kolkasnych, ale i jakasnych pakazčykaŭ. Ja ŭpeŭnieny, što dalejšaje raźvićcio zaležyć ad pradprymalnickaha siektara bolš, čym ad inšych. Kab stvaryć adpaviednyja ŭmovy, my hatovy prykłaści maksimum namahańniaŭ, — adznačyŭ jon. — Praciahvajučy zadadzieny kiraŭnikom dziaržavy kurs na ŭdaskanaleńnie dziejnaści ŭ pradprymalnickaj śfiery, urad pravodzić rabotu pa likvidacyi zališnich administracyjnych barjeraŭ, ź jakimi sutykajecca biźnies-supolnaść.
Tak, sproščany patrabavańni da atrymańnia licenzii, palepšany ŭmovy dziejnaści subjektaŭ inavacyjnaj infrastruktury.
— Technaparki atrymali mahčymaść pravodzić hnutkuju arendnuju palityku ŭ dačynieńni da rezidentaŭ, a taksama stvarać fondy inavacyjnaha raźvićcia, — skazaŭ Rumas.
Premjer-ministr Biełarusi zaprasiŭ pradprymalnikaŭ pryniać udzieł u rabocie nad raźvićciom śfiery pasłuh.
— Paskorany ruch u hetym napramku i intaresy biźniesa buduć uličany pry raspracoŭcy prahramy raźvićcia śfiery pasłuh da 2025 hoda. Nam važna vaša bačańnie prablem i vaš krytyčny pohlad. My prapanujem u ramkach dyjałohu ruchacca dalej i razam rabić dziełavy klimat u Respublicy Biełaruś adnym ź lepšych u śviecie, — skazaŭ Rumas i pavinšavaŭ pieramožcaŭ konkursu z zasłužanaj uznaharodaj.
