kremlin.ru
Raspad SSSR nie źviazany z rostam nacyjanalizmu ŭ Prybałtycy, jaho pryčynaj stała nieefiektyŭnaja ekanamičnaja palityka. Pra heta zajaviŭ prezident Rasii Uładzimir Pucin, paviedamlaje ria.ru
«Heta (pryčyny raspadu SSSR) mała maje dačynieńnie da rostu nacyjanalizmu ŭ krainach Prybałtyki, u asnovie lažyć, viadoma, vielmi nieefiektyŭnaja ekanamičnaja palityka Savieckaha Sajuza, jakaja pryviała da faktyčna kałapsu ŭ sacyjalnaj śfiery i mieła prałanhavanyja nastupstvy ŭ śfiery palityčnaj», — skazaŭ kiraŭnik dziaržavy.
Kažučy ab efiektyŭnych pieraŭtvareńniach, Pucin pryvioŭ u prykład KNR, dzie, pavodle jaho słoŭ, atrymałasia dobra «vykarystać mahčymaści centralnaha administravańnia i raźvićcia rynkavaj ekanomiki».
Jon adznačyŭ, što ŭ SSSR ničoha padobnaha zroblena nie było. U vyniku heta adbiłasia i na palityčnaj śfiery. «Vyniki raspadu akazalisia značna horšymi za toje, pra što ludzi dumali i pra što jany mahli padazravać navat u svaich samych horšych snach», — dadaŭ prezident.
