Prypravy z bakteryjami hrupy kišačnaj pałački vyjaŭleny ŭ prodažy ŭ Hrodzienskaj vobłaści. Pra heta BIEŁTA paviedamili ŭ adździele dziaržnahlada Lidy abłasnoj inśpiekcyi Dziaržstandartu.
U adnym z handlovych abjektaŭ Navahrudka abłasnoj inśpiekcyjaj vyjaŭleny mołaty pierac rasijskaj vytvorčaści. Pry praviadzieńni vyprabavańnia ŭ akredytavanaj łabaratoryi ŭ prypravie byli vyjaŭlenyja bakteryi hrupy kišačnaj pałački.
A ŭ piercy duchmianym haroškam adnoj z handlovych marak, jaki realizoŭvaŭsia ŭ Iŭjeŭskim rajonie, vyjaŭlenyja nie tolki bakteryi hrupy kišačnaj pałački, ale i ćvil. Kolkaść jaje pieravyšała dapuščalnyja pakazčyki bolš čym u 3 razy.
«Pa vynikach pravierak vydadzieny pradpisańni ab zabaronie da realizacyi niebiaśpiečnaha piercu čornaha mołataha i piercu haroškam. Akramia taho, spyniena dziejańnie na terytoryi krainy dekłaracyi ab adpaviednaści. Pradukcyja zaniesienaja ŭ rejestr niebiaśpiečnaj pradukcyi, zabaronienaj da ŭvozu i (abo) abarotu na terytoryi Respubliki Biełaruś, raźmieščany na sajcie Dziaržstandartu», — raspaviali ŭ adździele dziaržnahladu.
Dla chutkaha reahavańnia i pryniaćcia mier pa spynieńni zvarotu niebiaśpiečnaj pradukcyi prainfarmavanyja zacikaŭlenyja kantralujučyja orhany.
