Rasiju mohuć adchilić ad Jeŭra-2020 pa futbole i Alimpijady-2020 z-za zajaŭlenych nieadpaviednaściej u danych pra dopinh, paviedamlaje Daily Mail.
Kraina nie zmoža ŭdzielničać u futbolnym pieršynstvie i Alimpijskich Hulniach u Tokia, kali budzie dakazany fakt padrobki infarmacyi maskoŭskaj łabaratoryi Rasijskaha antydopinhavaha ahienctva.
Vykanaŭčy kamitet Suśvietnaha antydopinhavaha ahienctva praviadzie schod 9 śniežnia dla razhladu aficyjnaj rekamiendacyi ad niezaležnaha kamiteta, jaki, jak čakajecca, zakliča pazbavić ahienctva licenzii.
Kali Spartyŭny arbitražny sud pryznaje, što Rasija nie adpaviadaje praviłam antydopinhavaha zakanadaŭstva i pahodzicca z rekamiendavanymi sankcyjami, Rasija moža sutyknucca z amal poŭnaj zabaronaj udzielničać u Alimpijskich i Paralimpijskich hulniach u Tokia, a taksama Jeŭra-2020.
Akramia taho, kraina moža stracić prava pryniać čatyry matčy finalnaj častki Jeŭra-2020, jakija pavinny adbycca ŭ Rasii.