Nieviadomyja ŭ Mahilovie praviali akcyju — daviedalisia chatni adras staršyni ŭčastkovaj vybarčaj kamisii №32 Maryny Zubarenka i raskleili ŭlotki na kožnym z padjezdaŭ šmatpaviarchovika.
Zubarenka — dyrektarka sadka-škoły №12 Mahilova. Fota 12mogilev.schools.by
«My nikoli nie sutykalisia ź ciskam padčas vybaraŭ. A tut zakruciŭsia ceły skandał. U šmatkvaternym domie, dzie pražyvaje staršynia našaj kamisii, źjavilisia ŭlotki. U ich było napisana, što na ŭčastku ŭžo vybrali deputata i ŭsio dziakujučy staršyni. Tam ža byŭ nadrukavany chatni adras i prapanova zaklikać staršyni da adkaznaści. Listkami ablapili ŭsie padjezdy šmatpaviarchovaha doma», — raskazała namieśnica staršyni ŭčastkovaj vybarčaj kamisii №32 Mahilova Volha Papova.
Situacyja adbyvajecca na Mahiloŭska-Leninskaj akruzie №84, dzie bałatujecca historyk Ihar Marzaluk.
BiełTA paviedamlaje, što staršynia kamisii napisała zajavu ŭ milicyju.
