31 kastryčnika na vulicy Kastryčnickaj pryparkavaŭsia aŭtobus, bitkom napoŭnieny PET-butelkami. 20 tysiač butelek — stolki płastyku vykidaje tusovočnaja vulica za tydzień. Chorar-aŭtobus stajaŭ na prypynku «Tupik» dziesiać dzion, paśla čaho źjechaŭ u minski Muziej haradskoha pasažyrskaha transpartu, a jaho źmieściva advieźli na pierapracoŭku.
«Pokied, pakiet & PET!» — hety słohan staŭ asabliva važnym dla haściej i rabotnikaŭ ustanoŭ Kastryčnickaj ciaham apošnich dvuch tydniaŭ. Minčukoŭ uraziła ekainstalacyja, jakaja pakazvaje, kolki płastyku pradukuje adna vulica za niekalki dzion. Ruch «Meta 99» i ŭstanova «Apieratar druhasnych materyjalnych resursaŭ» vyrašyli dapamahčy tusovačnaj vulicy stvarać mienš adchodaŭ płastyku. Dla hetaha inicyjatary akcyi padaryli ofisam jomistaści dla zboru škła i płastyku, pastavili niekalki śpiecyjalnych kantejnieraŭ kala kaviarniaŭ i baraŭ. Sami ŭstanovy kožny viečar prapanoŭvajuć naviedvalnikam kali ŭžo pić, to za zdaroŭje płaniety: achvotna nalivajuć napoi ŭ pryniesieny hościem kubak, rekamiendujuć zamaŭlać napoi ŭ šklanym posudzie i vykidajuć adchody paasobna, kab puścić ich u druhasnuju vytvorčaść.
Hałoŭny elemient ekainstalacyi na Kastryčnickaj — sini retra-aŭtobus 1979 hoda — dapoŭnić kalekcyju z 2 000 ekspanataŭ u adnym z samych bujnych staličnych muziejaŭ. Pa adrasie Partyzanski praśpiekt, 6 pradstaŭlenyja vidy hramadskaha transpartu Minska roznych časoŭ: ad konki da elektrobusa. Asabliva muziej hanarycca samaj vialikaj u Biełarusi kalekcyjaj rarytetnych transpartnych srodkaŭ. U hetaj ekspazicyi možna ŭsio pamacać, uvajści ŭ sałon, prysieści za rul i sfatahrafavacca.
Dvaccać tysiač butelek z retra-aŭtobusa inicyjatary akcyi pieradali sartyrovačnamu pradpryjemstvu. U bližejšaj budučyni skarystanaja PET-tara adpravicca na pierapracoŭku i pieratvorycca ŭ novyja karysnyja rečy. Naprykład, z vykarystanych płastykavych butelek vyrablajuć detali dla mebli i aŭtamabilaŭ, vuličnyja łaŭki, abstalavańnie dla dziciačych placovak, novuju ŭpakoŭku i navat sintetyčnuju nitku, ź jakoj atrymlivajucca vydatnyja flisavy kofty, šaliki i džynsy.
***
Za 9 miesiacaŭ 2019 hoda žychary Biełarusi sabrali asobna na pierapracoŭku 73 tys. ton adchodaŭ płastyku. Heta na 18,5% bolš, čym za anałahičny pieryjad minułaha hoda. Kab adchody płastyku nie papaŭniali zvałki, ich treba sartavać i pierapracoŭvać, a adnarazovyja rečy, nie prydatnyja dla druhasnaj syraviny, — paprostu nie vykarystoŭvać.
