Piensijanierka z ałtajskaha siała Sańnikava Taćciana Kadukina ŭklenčyła pierad premjer-ministram Rasii Dźmitryjem Miadźviedzievym padčas jaho vizitu ŭ rehijon. Pažyłaja žančyna ŭmolvała jaho vyrašyć prablemu z padačaj haračaj vady ŭ šmatpaviarchoŭku, dzie jana žyvie, pieradaje Rydyjo Svaboda.
Kali pamočniki kiraŭnika ŭrada padniali Kadukinu, to jana raspaviała, što ŭ domie na 140 kvater, dzie jana žyvie, z 2016 hoda niama haračaj vady, choć pobač staić novaja hazavaja kacielnia. Pa słovach piensijanierki, na pryjom da hubiernatara jaje nie puskajuć, jana adznačyła, što «stamiłasia chadzić pa instancyjach».
Jana adznačyła, što z-za adsutnaści haračaha vodazabieśpiačeńnia ludziam davodzicca kuplać vodanahravalniki, jakija pieraharajuć z-za prablem z pravodkaj u domie. Miadźviedzieŭ paprasiŭ jaje «nie chvalavacca», paabiacaŭšy, što «vada budzie». Kiraŭnik urada Rasiei paabiacaŭ, što paśla narady hubiernatar Viktar Tamienka pryjdzie da jaje dadomu asabista.
