Prezident Ukrainy Uładzimir Zialenski zaklikaŭ pravieści ŭsieŭkrainski refierendum pa pytańni ab mahčymaści kupli-prodažu ziamli zamiežnikami i zamiežnymi kampanijami, pieradaje «Ukrainskaja praŭda».
U zvarocie, ź jakim jon vystupiŭ u paniadziełak, Zialenski vykazaŭsia ŭ padtrymku ŭniesienaha ŭ Viarchoŭnuju radu zakonaprajekta ab kupli-prodažy ziamli. Jon zajaviŭ, što ciapier, kali svabodnaha rynku ziamli va Ukrainie niama, hramadzianie krainy pazbaŭleny prava kuplać ziamlu, padobna hramadzianam Paŭnočnaj Karei, Tadžykistana i Vieniesueły. Pa słovach Zialenskaha, suprać zakonaprajekta vystupajuć «staryja palityki». Pry hetym prezident zajaviŭ, što ŭ prajekt buduć uniesieny papraŭki i prava vałodać, kuplać i pradavać ziamlu budzie dadziena tolki hramadzianam Ukrainy. Zamiežniki ž zmohuć atrymać jaho tolki pa vynikach refierendumu.
Zialenski taksama paabiacaŭ pryniać i zakon ab refierendumie.
Uładzimir Zialenski i jaho partyja «Słuha naroda» išli na vybary z abiacańniami svabodnaj kupli-prodažu ziamli, a taksama pašyreńnia elemientaŭ pramoj demakratyi.
Viarchoŭnaja Rada płanuje razhledzieć prajekt zakona ab kupli-prodažy ziamli ŭ aŭtorak, 12 listapada.
Va Ukrainie dziejničaje zabarona na prodaž ziamiel sielskahaspadarčaha pryznačeńnia. Jaje prapanujuć admianić. Ziemli dziaržaŭnaj i kamunalnaj ułasnaści buduć realizoŭvacca na tarhach.
