10 listapada balivijski prezident Eva Marales abviaściŭ pra adstaŭku paśla niekalkich dzion pratestaŭ. Siońnia taksama stała viadoma pra zatrymańnie staršyni Centravybarkama: jana ŭciakała z krainy, pieraapranutaja mužčynam. Abaviazki prezidenta da vybaraŭ budzie vykonvać druhi vice-prezident sienata.
MZS Biełarusi siońnia prakamientavała situacyju ŭ Balivii.
«Biełaruś vystupaje za naładžvańnie ahulnanacyjanalnaha dyjałohu ŭ metach pieraadoleńnia ŭsich najaŭnych supiarečnaściaŭ u Balivii. Zychodzim ź nieabchodnaści vyrašeńnia situacyi vyklučna mirnym šlacham, u ramkach pravavoha pola i Kanstytucyi krainy. Roznahałośsi ŭ balivijskim hramadstvie nie pavinny stanavicca nahodaj dla supraćpraŭnych dziejańniaŭ, jakija viaduć da niepradkazalnych nastupstvaŭ», — havorycca ŭ zajavie.
«Vykazvajem padtrymku ŭsim namahańniam, nakiravanym na adnaŭleńnie ahulnanacyjanalnaha zhody ŭ Balivii, i spadziajemsia, što ŭ samyja karotkija terminy tam ŭstalujucca mir i stabilnaść», — adznačaje MZS.
