Siońnia kala 17.00 u Minsku 50-hadovaja žančyna padyšła da Śviata-Duchavaha kafiedralnaha sabora, dastała siakieru i naniesła joj niekalki ŭdaraŭ pa fasadzie budynka. Vidavočcy paviedamili apierataru 102 pra ŭbačanaje, pieradaje pres-sakratar MUS Volha Čamadanava u telehram-kanale.
U hety čas mužčyna, jaki znachodziŭsia pablizu, zdoleŭ pierachapić siakieru i ŭtrymlivaŭ žančynu da prybyćcia da chrama najbližejšaha narada patrulna-pastavoj słužby milicyi Centralnaha RUUS.
Na dadzieny momant žančyna dastaŭlena ŭ miedycynskuju ŭstanovu dla abśledavańnia. Pra siabie paviedamiła, što nidzie nie pracuje, raniej da kryminalnaj adkaznaści nie pryciahvałasia.
Na miesca zdareńnia prybyła śledča-apieratyŭnaja hrupa. Dziejańniam žančyny budzie dadziena pravavaja acenka, pra što budzie paviedamlena dadatkova. Matyvy ŭčynku vyśviatlajucca.