Pra toje, jakija pamyłki rabili minčuki padčas pierapisu nasielnictva, raspaviała namieśnica staršyni Biełstata Žanna Vasileŭskaja, pieradajuć «Minsk-Naviny».
Vialiki ažyjataž vyklikała pytańnie pra identyfikacyjny numar, a mienavita što heta takoje. Na druhim miescy — prablema ŭvachodu ŭ sistemu.
Pry ŭvachodzie ludzi časta rabili pamyłku ŭ zapaŭnieńni danych. Čaściej za ŭsio błytali litaru «o» i nul.
Taksama źviartalisia z pytańniem, jak paśla taho, jak pierapisalisia sami, pierapisać i svaich baćkoŭ na svaje identyfikacyjnyja numary i asabistyja numary mabilnych. Davodziłasia tłumačyć, što sistema identyfikuje čałavieka pa jaho asabistym numary i numary telefona, jaki pakinuli ŭ banku. U advarotnym vypadku čałaviek nie zmoža ŭziać udzieł u pierapisie.
Časta pytalisia pra toje, što takoje chatniaja haspadarka. A jašče adnym z samych papularnych było pytańnie: «Kali pierapisaŭ siabie i ŭsich členaŭ siamji praź internet, ci treba hetym ludziam pierapisvacca jašče asobna?».
Časta čałaviek pierapisvaŭsia ŭ internecie, pry hetym nie paznačyŭšy žonku/muža i dziaciej. Kab daviedacca, što rabić u hetym vypadku, taksama daviedvalisia pa telefonie haračaj linii.
