Rada PEN-centra 29 kastryčnika pastanaviła vyklučyć Paŭła Sieviarynca sa składu arhanizacyi. Na pasiadžeńni Rady prysutničała hrupa členaŭ arhanizacyi, jakija vystupali za jaho vyklučeńnie. Razhlad pytańnia adbyvaŭsia ŭ adsutnaść Sieviarynca.
U zale panavali emocyi, paviedamlaje Radyjo Svaboda.
Zajavu pratestavaj hrupy začytvaje Julija Cimafiejeva.
«Dumała, što toje, što adbyvajecca ŭ palitycy, nie moža adbyvacca ŭ biełaruskaj kultury. Adbyłasia palityčnaja pravakacyja, kali Pavał Sieviaryniec i jahonyja kalehi prosta rabili toje, što adbyvajecca ŭ palitycy: palityčny rejdarski zachop, jak u partyi. Na schodzie pravakacyja praciahnułasia. Jaho treba vyklučyć z techničnych pryčyn, a tut adbyvajecca niejki traciejski sud. Sieviaryniec akazaŭ palityčny cisk na PEN. Toje, što my zaraz niešta abmiarkoŭvajem, — heta jakraz śviedčyć pra taki cisk», — skazała piśmieńnica Maryja Martysievič.
Jana niekalki razoŭ vychodziła z zały i raspłakałasia.
U zale pasiadžeńnia.
U pasiadžeńni Rady ŭziaŭ udzieł Alhierd Bacharevič — nie siabar Rady, ale adzin z aŭtaraŭ lista z patrabavańniem vyklučeńnia Sieviarynca.
Paet Andrej Chadanovič i žurnalist, litaratar Siarhiej Dubaviec.
Emocyi vyploskvalisia za ścieny budynka.
Pavieł Sieviaryniec prakamientavaŭ vyklučeńnie ŭ siabie ŭ fejsbuku: «Dumaju, vyklučeńnie ŭ Dzień rasstralanych paetaŭ — heta było nie vypadkova zroblena. Kala restaracyi «Pojediem-pojedim» za paŭtara hoda nam taksama časta kidali ŭ tvar: «Mało vas strielali!» «Vyklučyć», vydalić, vycisnuć chryścijanaŭ ź biełaruskaj kultury nie atrymajecca — heta navat balšavikam ź ich čyrvonaj impieryjaj nie ŭdałosia. Maim adkazam budzie druhaja kniha «Biełarusalima» — «Serca śviatła», jakuju ja ciapier rychtuju da druku», — napisaŭ jon.
Mierkavańni ludziej u sacyjalnych sietkach raździalilisia. Chtości, jak paet Anton Rudak, ciešylisia rašeńniu.
Chtości, jak kultur-mieniedžar i žurnalist Hleb Łabadzienka, rašeńnie asudziŭ.
