Abodva kiroŭcy byli z Baranavič. Zahinułamu dalnabojniku było 36 hadoŭ. Pavodle niepaćvierdžanaj infarmacyi, jon sprabavaŭ spynić znajomaha, kab toj nie vyjazdžaŭ pjanym za rulom, piša Intex-Press.
Incydent adbyŭsia 12 kastryčnika ŭ miastečku Šumova (Zambruŭski paviet) na parkinhu dla vielikahruzaŭ, paviedamlaje sajt zambrow.org.
Jak paviedamlaje polskaja palicyja, žychar Baranavič Andrej K. znachodziŭsia za rulom u stanie ałkaholnaha apjanieńnia (0,97 mh/ł ałkaholu ŭ vydychanym pavietry) i, bačačy, što jaho kaleha Dźmitryj M. staić pierad aŭtamabilem, praciahnuŭ ruch.
Dźmitryj trapiŭ pad hruzavik. Jon atrymaŭ traŭmy, ad jakich pamior na miescy DTZ. Andrej aryštavany na try miesiacy polskaj palicyjaj dla śledčych mierapryjemstvaŭ.
Pavodle infarmacyi kalehaŭ-dalnabojščykaŭ, mužčyna, jaki zahinuŭ, sprabavaŭ nie dapuścić vyjezdu pjanaha tavaryša na darohu i staŭ na šlachu fury. Adnak pjany kiroŭca nie adreahavaŭ na tavaryša. Śviadoma heta było ci nie, pavinna vyśvietlić śledstva. Na stajancy pracavali videakamiery.
