U «Biełnaftachimie» rastłumačyli, čamu paśla taho, jak u siaredzinie vieraśnia kancern byŭ vymušany viarnucca da stratehii štotydniovaj karekciroŭki cen na naftapradukty, ciapier rost cen prypyniŭsia.
Što hetamu sadziejničała, u intervju haziecie «Respublika» raskazała namieśnik staršyni kancerna Śviatłana Huryna, paviedamlaje BIEŁTA.
Usio leta ceny na paliva źnižalisia. «Adnak u vieraśni my stali śviedkami taho, jak asobnyja padziei mohuć surjozna ŭpłyvać na naftavy rynak. Tak, kali na praciahu leta košt barala nafty mieŭ tendencyju źnižeńnia, to paśla ataki dronaŭ na bujniejšy ŭ śviecie NPZ aravijskaj dziaržkampanii SAUDI ARAMCO, rynki adreahavali imhnienna rostam kacirovak. Ceny na naftu padnialisia na 10 pracentaŭ, heta byŭ samy vysoki sutačny rost z 14 studzienia 1991 hoda», - adznačyła Śviatłana Huryna.
U takich umovach kancern pavinien byŭ raspačać peŭnyja dziejańni, kab padtrymać płaciežazdolnaść svaich pradpryjemstvaŭ i minimizavać upłyŭ źniešnich ryzyk dla ich. Akramia taho, u pieršaj pałavinie vieraśnia taksama ŭzmacniłasia vałacilnaść kursa biełaruskaha rubla. Usie hetyja faktary stali padstavaj, kab viarnucca da stratehii źmianieńnia cen na paliva. Kancern try razy pavyšaŭ ich u minułym miesiacy. «U kastryčniku situacyja na rynku nafty stabilizavałasia, tamu ceny na zapraŭkach zastajucca niaźmiennymi», - rastłumačyła namieśnik staršyni kancerna.
