Za heta prahałasavała rada PENu 29 kastryčnika. Napiaredadni pratest suprać znachodžańnia Sieviarynca ŭ PEN i jahonych «ciemrašalskich pohladaŭ» padpisała 36 siabroŭ arhanizacyi (usiaho ŭ arhanizacyi 112 siabroŭ), paviedamlaje Radyjo Svaboda.
29 kastryčnika rada PEN-centra znoŭ razhledzieła vyklučeńnie Paŭła Sieviarynca z arhanizacyi. U pieršy raz jaho vyklučyli za niaspłatu ŭnioskaŭ, Pavał ich zapłaciŭ, ale na ahulnym schodzie arhanizacyi 26 kastryčnika heta rašeńnie było skasavanaje. Unioski Pavał spłaciŭ.
Z-za hetaha častka siabroŭ centra aburyłasia, bo da schodu Pavieł apublikavaŭ list u jakim abvinavaciŭ «hiej-łobi i marksistaŭ» u radzie biełaruskaha PENa ŭ tym, što jany «na duch nie pieranosiać chryścijan».
Na pasiedžańni rady PENu Śviatłana Aleksijevič, jakuju abrali staršynioj rady prapanavała časova prypynić siabroŭstva Paŭła Sieviarynca. Častka siabroŭ PENa hetaha nie padtrymała. U vyniku, napačatku pryniali rašeńnie kančatkova razhledzić pytańnie 31 kastryčnika, a nie na noč «rasstralanych paetaŭ», jakaja projdzie 29 kastryčnika.
Śviatłana Aleksijevič: «My musim stać razam, stać dobraj tusoŭkaj. U nas byli niepryjemnyja časy ŭ hetyja dni. Ja dumaju, što adbyvajucca surjeznyja rečy, ale heta nie raskoł. Dziakuj Bohu, što vy nie pramaŭčali, što hetaja razmova pačałasia i budzie praciahvacca. Ja prašu vas dać nam čas, u nas dobraja kamanda ciapier. Ja lublu ideju PENa, heta naš dom. My pačniem z taho, što my možam zrabić, kab my byli razam.
Heta hamafobstva — jano za miežami, ja nie dumała, što našy palityki mohuć być na takim uzroŭni. Ale našaje siońniašniaje rašeńnie musić być uzvažanaje. Maja prapanova — prypynić rašeńnie rady ab pryjomie Sieviarynca, a praz čas my ź im sustreniemsia i kančatkova pahavorym».
Paśla burnych sprečak usio ž pryniali rašeńnie ab vyklučeńni Sieviarynca z PENa 29 kastryčnika, niahledziačy na datu.
