Deifi
Prezident Litvy Hitanas Naŭsieda zaznačyŭ, što vajskoŭcy ZŠA dysłakujucca ŭ Litvie z metaj abaranić žycharoŭ krainy i heta robicca nie z metaj zapałochać Biełaruś, paviedamlaje Delfi.lt.
Tak jon adreahavaŭ na kamientar Alaksandra Łukašenki ab tym, što toj ličyć raźmiaščeńnie amierykanskaha vajennaha kantynhientu pablizu miažy svajoj krainy demanstracyjaj siły i adkaža na hetyja dziejańni, adnak nie stanie pry hetym «brazhać zbrojaj». «Toje, što ŭ Litvie raźmiaščajucca vajennyja NATA i technika NATA — heta prosta žadańnie abaranić ludziej ad imaviernych interviencyj, kab jany mahli ŭ biaśpiecy stvarać svoj dabrabyt. Heta adzinaja meta abaronnaj palityki Litvy», — skazaŭ H. Naŭsieda ŭ aŭtorak.
«My starajemsia abaranić svoj kraj. Nam niepatrebna isnavańnie inšych ziemlaŭ i nam nie treba pałochać svaich susiedziaŭ, bo naša palityka była, jość i budzie mirnaj», — dadaŭ jon. U kastryčniku ŭ Litvu prybyŭ bataljon sił ZŠA kolkaściu amal paŭtysiačy čałaviek z adzinkami ciažkaj techniki, u tym liku tankami i bajavymi mašynami piachoty. Jon budzie raźmieščany ŭ krainie da viasny.
