Natalka Charytaniuk — sprava. Fota z archiva Voli Kuźmič.
Kanflikt u PEN-Centry praciahvaje zajmać dumki intelektuałaŭ. Praciŭniki Paŭła Sieviarynca praciahvajuć dabivacca jaho vyklučeńnia z PEN-Centra. Tady jak prychilniki bačać u hetym zamach na svabodu vykazvańnia i nieabalšavizm. Vybitnaja pierakładčyca i prazaik Natalka Charytaniuk vyrašyła pakinuć PEN.
«Mnie niajasna, jak Paŭła [Sieviarynca] ŭsio ž vyklučali z PENu zimoju. Postfaktum abviaściŭšy? Pamiž aryštami za Kurapaty? Za niaspłatu ŭnioskaŭ? Ciškom? Sapraŭdy pomściačy za niešta? — piša Charytaniuk u siabie ŭ fejsbuku. — Kali za niaspłatu — čamu tady nie vyklučali mianie? Ja taksama nie spłočvała ŭnioski. Za piać hod ni razu. I ŭsio jašče nie spłaciła», — adznačaje jana.
«Ja vielmi radaja, što Paŭła adnavili ŭ PENie — a ciapier spadziajusia, što Pavał albo pamianiaje pazicyju i bolš nie dazvolić sabie niepavažna vykazvacca pra hiejaŭ i leśbijanak. Albo sydzie z PENu sam, — dadaje jana. — Ja z PENu sychodžu, bo nie adčuvaju, što mahu kahości abaranić. I jašče adčuvaju, što sprabujučy abaraniać — patraplaju ŭ čužuju składanuju hulniu. I da taho ž z sumam razumieju, u Kramli niechta ciapier hartaje staruju khb-šnuju mietadyčku i zadavolena paśmichajecca. Maŭlaŭ, spracavała», — piša Charytaniuk.
Na schodzie PEN-centra rvali mandaty, ale Sieviarynca adnavili. A adzinstva ŭratavała Aleksijevič
Pavieł Sieviaryniec raniej byŭ vyklučany z PEN-Centra za niaspłatu ŭnioskaŭ, ale jaho adnavili ŭ arhanizacyi paśla pratestu. Ciapier jaho praciŭniki dabivajucca jaho vyklučeńnia z arhanizacyi za hamafobnyja vykazvańni.
Alhierd Bacharevič zajaviŭ, što vyjdzie z PEN-Centra ŭ znak pratestu suprać taho, što Sieviaryniec zastajecca ŭ arhanizacyi.
Alhierd Bacharevič: Siońnia ranicaj mnie było soramna
Daŭniej Bacharevič pakinuŭ Sajuz biełaruskich piśmieńnikaŭ, paśla taho jak kalehi tam raskrytykavali jaho za ese pra «Kajana Łupaku» — z krytykaj pavodzin Janki Kupały ŭ saviecki pieryjad.
Raniej z PEN-Centra vyklučyli taksama viadomaha žurnalista i litaraturaznaŭcu Siarhieja Šaprana, ale paśla krytyki hetaha rašeńnia Šaprana ŭ arhanizacyi adnavili.
Niaklajeŭ vystupiŭ suprać kiraŭnictva PENa: Nichto z vas nie zrabiŭ takoha ŭniosku, jak Šapran
Starejšyja siabry PENa sprabavali znajści kampramis, zaprasiŭšy ŭ kiraŭniki arhanizacyi Śviatłanu Aleksijevič, ale levalibieralnaje kryło PENaŭcaŭ abvinavaciła žorstka raskrytykavała ich za sprobu prymiryć baki i zachavać u arhanizacyi ŭsich.