U Biełarusi ŭdałosia stabilizavać abstanoŭku ŭ śfiery raspaŭsiudžvańnia i spažyvańnia narkotykaŭ, adnak asablivych padstaŭ dla samazaspakojenaści niama. Ab hetym Alaksandr Łukašenka zajaviŭ na naradzie pa pytańniach procidziejańnia raspaŭsiudžvańniu narkotykaŭ i prafiłaktyki narkamanii, paviedamlaje BiełTA.
Udzielnikami narady stali kiraŭniki ŭrada, šerahu ministerstvaŭ i viedamstvaŭ, sudziejskaha korpusa.
Kiraŭnik dziaržavy padkreśliŭ, što važnaja, rezanansnaja tema baraćby z narkotykami i prafiłaktyki narkaspažyvańnia za apošnija piać hadoŭ nieadnarazova abmiarkoŭvałasia na vysokim uzroŭni. «Pryniatyja ŭ Biełarusi ŭ 2014 hodzie sistemnyja miery dazvolili nam pierałamać situacyju, — skazaŭ jon. — Nam udałosia pastavić zasłon na šlachu raspaŭsiudžvańnia sintetyčnych preparataŭ, tak zvanych spajsaŭ, asnoŭnymi spažyŭcami jakich była moładź. Značna ŭzmocniena kryminalnaja adkaznaść za niezakonny abarot narkatyčnych srodkaŭ i psichatropaŭ».
«U vyniku nam udałosia stabilizavać abstanoŭku», - adznačyŭ Alaksandr Łukašenka. Za minułyja piać hadoŭ kolkaść narkazłačynstvaŭ skaraciłasia ŭ 1,5 razu, a učynienych z udziełam niepaŭnaletnich — prykładna ŭ 5 razoŭ (z 466 ŭ 2014 hodzie da 97 u 2018 hodzie).
Kolkaść śmierciaŭ ad pieradazirovak narkotykami ŭ Biełarusi ŭ 14 razoŭ nižej, čym u Litvie, i ŭ 72 razy nižej, čym u ZŠA. Apošni vypadak hibieli padletka ad pieradaziroŭki adbyŭsia ŭ 2014 hodzie.
«Adnak, niahledziačy na pryviedzienyja pakazčyki, asablivych padstaŭ dla samazaspakojenaści niama», — źviarnuŭ uvahu kiraŭnik dziaržavy.
