Siońnia a 20-j hadzinie va ŭročyščy Kurapaty pačniecca «Noč rasstralanych paetaŭ». Treci hod zapar u Dzień pamiaci achviar palityčnych represij ludzi źbirajucca tam, kab čytać vieršy i ŭspaminać.
Nahadajem, što noč z 29 na 30 kastryčnika 1937 hoda ŭ sutareńniach minskaj unutranaj turmy NKVD «amierykanki» rasstralali bolš za 100 pradastaŭnikoŭ biełaruskaj intelihiencyi, u tym liku 22 litaratary.
Miarkujecca, što čytańni buduć doŭžycca 3 hadziny.
U toj ža čas Mikoła Statkievič zaklikaŭ zładzić Łancuh pamiaci kala budynka Kamiteta dziaržaŭnaj biaśpieki, unutry jakoha znachodzicca turma «Amierykanka», dzie katavali i rasstrelvali ludziej.
Ahułam u 1930—1950-ja hady ŭ Biełarusi było represavana kala 600 tysiač čałaviek. Kala 200 tysiač ź ich zahinuli. Jak miarkujecca, kala 30 tysiač rasstralanych pachavana ŭ Kurapatach.
