44-hadovy žychar Śvietłahorska i jaho 16-hadovy syn byli zatrymanyja, kali jany rabili zakładki niedaloka ad adnaho z haražnych kaapieratyvaŭ u Homieli, paviedamlaje abłasnaja milicyja.
Baćka z synam pracavali roźničnymi kurjerami internet-kramy pa prodažy psichatropaŭ.
20 kastryčnika pozna ŭviečary jany byli zatrymanyja bajcami Homielskaha AMAPa i apieratyŭnikami. Dla pošuku zakładak vykarystoŭvałasia aŭčarka Smajł z vajskovaj čaści 5525 unutranych vojskaŭ.
U vyniku ahladu miesca zdareńnia vyjaŭlena i kanfiskavana 30 skrutkaŭ z rečyvam ahulnaj vahoj bolš za 15 hram. Pavodle zaklučeńnia ekśpierta parašok źmiaščaje asabliva niebiaśpiečnaje psichatropnaje rečyva Alfa-PVP i paramietyłefiedron. Taksama kanfiskavanyja mietaličnyja łyžki, fasovačnyja pakiety, izalacyjnuju stužku, elektronnyja šali, palčatki, reśpiratary.
Padčas dalejšaj pravierki ŭdałosia ŭstanavić i inšyja miescy zakładak, ale ŭžo na terytoryi vobłaści. U schovankach było kanfiskavana bolš za 60 zakładak ahulnaj vahoj amal 53 hrama alfa-PVP.