Tak pavinny vyhladać achoŭnyja ekrany
Achoŭnyja ekrany płanujuć ustanavić na Maskoŭskaj i Aŭtazavodskaj linijach staličnaj padziemki, raspavioŭ «Minsk-Navinam» hałoŭny inžynier Dyrekcyi pa budaŭnictvie Minskaha mietrapalitena Alaksiej Murač.
Pavodle jaho słoŭ, nie vyklučana, što ŭ tendary na pastaŭku abstalavańnia budzie ŭdzielničać tureckaja firma Albayrak (vytvorca mašynnaha abstalavańnia i hidraŭličnych sistem z Eskišechir). Niadaŭna z hetym chołdynham zaklučyli kantrakt na pastaŭku achoŭnych ekranaŭ dla stancyjnych kompleksaŭ 3-j linii minskaha mietro. Mantaž na «Kavalskaj Słabadzie» pačnuć u listapadzie.
Alaksiej Murač adznačyŭ, što składanaściaŭ z mantažom abstalavańnia na Maskoŭskaj i Aŭtazavodskaj budzie značna bolš, bo hetyja linii dziejnyja. U suviazi z hetym śpiecyjalisty razhladajuć varyjant «skraznoha» nakiravańnia.
Elektryčki na peŭny pieryjad, pakul pravodzicca rekanstrukcyja adnoj sa stancyj, buduć prajazdžać mima jaje. Nasielnictva zahadzia ab hetym prainfarmujuć.
— Viadoma, heta darahoje abstalavańnie stvoryć dadatkovyja nahruzki dla rabotnikaŭ mietro, bo jaho funkcyjanavańnie treba praviarać, rehulavać. Ale žyćcio čałaviečaje nieacennaje. Nie budziem pakul pryśpiešvać padziei, hałoŭnaje, kab achoŭnyja ekrany zarekamiendavali siabie na 3-j linii! — padsumavaŭ surazmoŭca.