Na polska-biełaruskaj miažy zatrymaŭsia hruzavik ź dziesiaćciu tyhrami, jaki jechaŭ ź Italii ŭ Rasiju. U Biełaruś ich nie ŭpuścili z-za adsutnaści ŭsich nieabchodnych dakumientaŭ, a ŭładalnik admaŭlajecca ich viartać u Italiju, piša Tut.by sa spasyłkaj na Gazeta Wyborcza.
Tyhry adpravilisia ź Italii ŭ Rasiju 22 kastryčnika. Ich pieravoziać u skryniach. Žyvioły źniasilenyja, adzin z tyhraŭ užo pamior.
Jak raspaviała dyrektar Poznanskaha zaaparka Jeva Zhrabčynskaja, ź joj źviazałasia hałoŭnaja vieterynarnaja inśpiekcyja i paprasiła dapamahčy žyviołam. Zaapark u Poznani moža pryniać tolki šeść tyhraŭ. Inšyja zaaparki dapamahčy admovilisia.
Tyhraŭ, što znachodziacca ŭ hruzaviku na pamiežnaj aŭtastajancy, kormiać pakupnoj kurycaj z kramy, ale ich stan paharšajecca z-za znachodžańnia ŭ skryniach.
