Da 98 vyrasła kolkaść achviar tajfuna «Chahibis», jaki abrynuŭsia na Japoniju ŭ kastryčniku, i liŭniaŭ, jakija byli paśla, paviedamlajuć infarmahienctvy. Jašče 10 čałaviek ličacca źnikłymi bieź viestak.
U aŭtorak urad Japonii pryniaŭ rašeńnie abviaścić častku paciarpiełych rajonaŭ «zonami nadzvyčajnaha biedstva», što dało mahčymaść istotna pavialičyć vydatki ź dziaržaŭnaha biudžetu na adnaŭlenčyja raboty.
Pavodle apošnich źviestak, škoda sielskaj haspadarcy Japonii ad tajfunaŭ u vieraśni i kastryčniku pieravysiŭ 170 młrd jen (amal $ 1,6 młrd). U pryvatnaści, ad tajfunu «Chahibis» paciarpieli 38 z 47 prefiektur.
Istotny ŭron naniesieny rybałoŭnym portam, prybiarežnym fabrykam pa pierapracoŭcy morapraduktaŭ. U 20 prefiekturach zafiksavanaja škoda ad apoŭźniaŭ, bolš čym na 70 rekach razburanyja nabiarežnyja i achoŭnyja zbudavańni. Bolš za 3,4 tys. kvater i pryvatnych damoŭ pa-raniejšamu adklučanyja ad vadapravodaŭ.
