27 kastryčnika, ranicaj u Astravieckim rajonie adbyłosia DTZ. U vyniku zahinuŭ pasažyr lehkavoha aŭtamabila, a kiroŭca nie traŭmavaŭsia.
Napiaredadni kampanija mužčyn piła śpirtnyja napoi ŭ horadzie Astraviec. Paśla raśpivańnia sieli ŭ aŭtamabil i pavieźli znajomaha ŭ susiedni pasiołak Hudahaj, znachodziačysia pry hetym u stanie apjanieńnia.
Kala 5-j ranicy ŭžo ŭdvaich viartalisia nazad u horad pa aŭtadarozie R-48. 39-hadovy kiroŭca na pramym učastku darohi nie spraviŭsia z kiravańniem, źjechaŭ u levy pa chodzie ruchu kiuviet i pierakuliŭsia.
U sałonie znachodziŭsia 31-hadovy pasažyr, jaki pamior na miescy.
Kiroŭca ad špitalizacyi admoviŭsia, bo surjoznych traŭmaŭ nie atrymaŭ. Darečy, mužčyny nie byli pryšpilenyja ramianiami biaśpieki, a kiroŭca jašče i kiravaŭ aŭtamabilem u stanie apjanieńnia.
Pa fakcie DTZ raspačataja kryminalnaja sprava.