Śledčyja raspačali kryminalnuju spravu pa fakcie zabojstva ŭ Šumilinskim rajonie, paviedamiła BiełTA aficyjny pradstaŭnik USK pa Viciebskaj vobłaści Aksana Łaźko.
Fota UUS Viciebskaha abłvykankama.
Uviečary 25 kastryčnika 32-hadovaja žančyna paviedamiła ŭ pravaachoŭnyja orhany ab tym, što na jaje muža napaŭ z nažom ich ahulny znajomy. Jana taksama raspaviała ab miescy ździajśnieńnia złačynstva: u lesie śledčyja znajšli cieła 37-hadovaha mužčyny.
Pa papiarednich dadzienych, muž i žonka dniom pajšli ŭ les źbirać jahady, a kali viarnulisia da svajho aŭtamabila, ich čakaŭ 41-hadovy znajomy. Padčas svarki jon udaryŭ mužčynu nažom. Žonka paciarpiełaha ŭciakła, a napadnik schavaŭsia.
Ciapier mužčyna zatrymany, jaho adšukali ŭ Haradockim rajonie. Raspačataja kryminalnaja sprava pa č.1 art.139 KK (zabojstva).