31-hadovy žychar Minska abakraŭ mahazin, u jakim pracavaŭ kurjeram, paviedamlaje staličnaja milicyja
Pra kradziež paviedamili ŭ milicyju rabotniki kramy. Pa ich słovach, u ofisie byŭ vyśvidravany zamok u dźviarach, prapała 9 mabilnych telefonaŭ, 32 000 rubloŭ i 3500 dalaraŭ.
Pravaachoŭnikami byŭ vyjaŭleny padazravany, jaki byŭ kurjeram kramy.
U ofis fihurant prakraŭsia nočču, viedajučy, što tam budzie čym pažyvicca. Napiaredadni razam z naparnikam jon advioz na zachoŭvańnie ŭ ofis bujnuju sumu hrošaj, vyručanuju ad prodažu telefonaŭ, raspaviali ŭ staličnaj milicyi.
Mužčyna sprabavaŭ nakiravać pravaachoŭnikaŭ pa iłžyvym śledzie, pakinuŭšy zapisku, što niby namiakała na toje, što da kradziažu mohuć mieć dačynieńnie kankurenty.
Telefony i častka hrošaj viernutyja ŭładalnikam. Častku hrošaj złamyśnik pieradaŭ svajoj siastry dla pahašeńnia kredytu, uziataha na kuplu kvatery.