Apieratyŭniki ŭpraŭleńnia pa narkakantroli i supraćdziejańni handlu ludźmi UUS Homielskaha abłvykankama 20 kastryčnika ŭ Mazyry zatrymali 36-hadovaha mazyranin paśla ździajśnieńnia im niezakonnaj ździełki pa prodažy narkotykaŭ, paviedamlaje MUS.
Jon zachoŭvaŭ bujnuju partyju psichatropaŭ dla dalejšaj realizacyi na terytoryi Mazyrskaha i bližejšych rajonaŭ.
U chodzie pieratrusaŭ pa miescy žycharstva zatrymanaha, a taksama ŭ transpartnych srodkach, jakija naležać jamu i jaho svajakam, znojdziena i kanfiskavana bujnaja suma hrošaj u zamiežnaj i nacyjanalnaj valutach, dva pistalety, elektronnyja vahi, palimiernyja pakiety z padobnym na parašok rečyvam ahulnaj masaj bolš za 450 hramaŭ.
Zhodna z zaklučeńniem śpiecyjalistaŭ Dziaržaŭnaha kamiteta sudovych ekśpiertyz parašok, jaki mužčyna zbyŭ narkaspažyŭcam, utrymlivaje ŭ svaim składzie amfietamin (fienamin) - asabliva niebiaśpiečnaje psichatropnaje rečyva, jakoje nie vykarystoŭvajecca ŭ miedycynskich metach. Astatniaje kanfiskavanaje rečyva i zbroja nakiravany na ekśpiertyzu.
Zaviedziena kryminalnaja sprava pa č.3 art.328 (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ) Kryminalnaha kodeksa Biełarusi. Maksimalnaje pakarańnie pa hetaj častcy - pazbaŭleńnie voli terminam da 15 hadoŭ. Mužčyna aryštavany.
