Zdareńnie apisvaje abłasnaja milicyja.
Muž i žonka daŭno raźvialisia, adnak razam žyli ŭ ahulnaj kvatery.
Niadaŭna žančyna pasiabravała z dvuma maładymi ludźmi, ź imi pieryjadyčna vypivała. Nieŭzabavie kampanija vyrašyła, što były muž u kvatery lišni, jaho paprasili źjechać. Mužčyna nie spračaŭsia i pierajechaŭ na lecišča ŭ Hrodzienski rajon.
Zatym žančyna sa znajomymi pasprabavała vyžyć jaho i adtul. Jany pieryjadyčna pryjazdžali, patrabavali pakinuć dom, ale mužčyna admaŭlaŭsia.
Paśla čarhovaha vizitu maładyja ludzi paprasili pakazać im, jak prajści da čyhunačnaj stancyi. Pa darozie nakinulisia na mužčynu i pryviazali jaho da dreva.
Mužčyna sam vyzvaliŭsia. Dabraŭsia da susiedziaŭ i vyklikaŭ milicyju. Na nastupny dzień padazravanych zatrymali na zdymnaj kvatery ŭ Hrodnie. Kryminalnaja sprava zaviedziena pa artykule «Niezakonnaje pazbaŭleńnie voli».