siasat.com
U Livanie ŭdzielniki antyŭradavych pratestaŭ u niadzielu arhanizavali žyvy łancuh, staŭšy na aŭtadarohach i ŭziaŭšysia za ruki. Ahienctva Reuters paviedamlaje, što akcyja raściahnułasia na 171 kiłamietr z poŭdnia na poŭnač terytoryi Livana.
Siońnia adzinaccaty dzień biesprecedentnych manifestacyjaŭ suprać palitykaŭ, jakich žychary Livana abvinavačvajuć u karupcyi i kursie na razvał ekanomiki. Padobnych masavych hramadzianskich akcyj nie było ŭ Livanie z času hramadzianskaj vajny 1975-1990 hadoŭ.
U apošnija dni ŭrad Livana abjaviŭ pra pakiet terminovych reformaŭ, ale heta nie dapamahło asłabić pratestny cisk na ŭładu. Nie pryviało heta i da vyzvaleńnia fondaŭ, atrymanych ad dziaržaŭ-donaraŭ, jakija abiacali ŭ minułym hodzie vyłučyć Livanu 11 miljardaŭ dalaraŭ na praviadzieńnie daŭno poźnicca reformaŭ.
